Hakob Paronyan

Խիկար

Խիկարի գուշակութիւնք

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՅՈՒՆՈՒԱՐ

1 ֊ 8 Յունուար

Անձրեւաբեր հողմեր եւ սնանկութիւններ ։

Պզտիկ տղաներն ու մեծ տղաները ծերերը պարտին զգուշանալ ցուրտէն։ Խոնաւութիւն կտիրէ ամենուրեք. հարբուխ եւ պզտիկ պարտքեր ունեցողներն սենեակէ դուրս ելնելու չեն ։

Իրարու Նոր Տարի, երկար օրեր եւ բարօրութիւն կմաղթեն այցետոմսերը ։

Հաշու է կշիռները գոհացուցիչ չեն։

9 ֊ 17 Յունուար

Փոփոխական օրեր ։

Քանի մը լրագիրներ կփոխեն իրենց կարծիքները ։

Երեսփոխանին մէկը ատենաբանութեան մէջ կկորսնցնէ խօսքին թելը եւ կ ' երթայ մոմ վառելու Ս. Մինասին ։ <!><!>

Բանաստեղծին մէկը ծով կնետէ ինքզինքն՝ մէջքը դդում կապելով ։

Մեծ վաճառական մ ' իւր պարտքերը վճարելու համար վճարումները կդադարեցնէ։ Աստուած հետը ըլլայ ։

18 ֊ 24 Յունուար

Ամպամած եւ խոնաւ ։

Քանի մը ընկերութիւններ կլուծուին ։

Երիտասարդին մէկը հարուստ աղջիկ մը կյափշտակէ, տունը կտանի եւ հազար հինգ հարիւր ոսկի փրկանք կպահանջէ։ Աւազակը փնտռուելու վրայ է ։

Բառարան.

Փականք թրախօմա (դրամօժիտ )։

Ամուսին մը հազար ոսկի փրկանք կը խոստանայ իւր կինը լեռ մը տանողին ։

Ասանկ ամուսիններուն համբերութիւն տայ Աստուած ։

25 ֊ 31 Յունուար

Ձիւն եւ անձրեւ ։

Հողագործներն ուրախ են ։

Ածխավաճառներուն հետ խօսելը դժուար է ։

Մայրե՛ր, մայրե՛ր.

Զգուշացէք ամսոյ մէջ մանչ զաւկի տէր ըլլալէ, որովհետեւ յունուարի մէջ ծնող մանչը կռուասէր կ ' ըլլայ։ Աշխատեցէք աղջիկի տէր ըլլալ։ Յունուարի մէջ աշխարհ եկող աղջիկը տնտեսագէտ եւ սակաւախօս կ ' ըլլայ։ Երկուքէն մին ալ ըլլայ՝ դարձեալ կբաւէ ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՓԵՏՐՈՒԱՐ

1 ֊ 8 Փետրուար

Գիտէք արդէն, որ այս ամսուան մէջ կանայք քիչ կխօսին ։

Հարաւը մէկ կողմէն կփչէ, հիւսիսը միւս կողմէն. երկու կողմերուն մէջ տեղ երերա՛ ու երերա ։

Լրագիրներն ալ անանկ կփչեն ։

Բժիշկները աղէկ ստակ կշահին ։

Մարդասիրական ընկերութեան մը գանձապետն ընկերութեան դրամագլուխը հետը կ ' առնէ ու հեռաւոր քաղաք մը կ ' երթայ՝ օդափոխութեան համար ։

Աստուած բժշկութիւն տայ ։

8 ֊ 15 Փետրուար

Հողմ եւ անձրեւ ։

Կամուրջի վրայ զգուշացէք հովանոցներէն, որ աչքերնիդ չհանեն ։

Առեւտրական հրապարակին վրայ շարժում մը կտեսնուի ։

Ապառիկ մի՛ վաճառէք, այլ միշտ աշխատեցէք ապառիկ գնելու ։

Ալ է կոծութիւն։

15 ֊ 22 Փետրուար

Անձրեւին վերջը չեկաւ ։

Տեղ տեղ կձիւնէ ։

Գինետունները լեփ լեցուն են։ Օղին ածուխէն արժան է ։

Կուրծքի տկարութիւն ունեցողները վառարանին քով կնստին եւ Խիկար կկարդան։ Խիկարի քանի մը թուղթ ընթերցումն միակ դեղ է կուրծքի տկարութեան դէմ. շնչափողերը կմաքրէ։

22 ֊ 29 Փետրուար

Խառնակ օդ ։

Խառնակ լուրեր ։

Տեսէ՛ք սա խեղճ գաւառացին. գլխէն արիւն կը վազէ ։

Կնկան մէկը մարտ նետեր է <!><!>. անուշադրութեամբ մարդուն գլուխը նետեր է սափորը պատշգամէն ։

Լրագրաց խօսքին մի՛ հաւատաք ։

Մայրե՛ր.

Եթէ իմ խրատիս կլսէք՝ այս ամսուան մէջ զաւակ մի՛ բերէք, ո՛չ մանչ, ո՛չ աղջիկ. վասնզի Փետրուարի մէջ ծնող մանչերն գինեմոլ ու կեր ա խումի անձնատուր կ ' ըլլան, իսկ աղջիկներն շռայլ ու պարասէր կ ' ըլլան, իսկ երբ կարգուին՝ իրենց ամուսնոյն գլխուն փորձանք կ ' ըլլան ։

Բո՛ւմ …

Մի՛ վախնաք ։

Մեծ վաճառական մը սնանկացաւ, բան մը չէ ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՄԱՐՏ

1 ֊ 9 Մարտ

Հողմ, անձրեւ, ձիւն, արեւ …

Օդերու ֆաթուրա ։

Կխրատեմ ծերերուն ու վատառողջներուն դուրս չելնել. փառք Տիրոջը, դուրս ելնելու պատճառ մ ' ալ չկայ. առեւտուրները դադրած են, ամեն մարդ փոխառութիւն ընելու համար միայն դուրս կելնէ ։

Ապահովական ընկերութիւններն բաւական կը վնասուին. շատ նաւեր իրենց բեռը ծով կթափեն ալէկոծութեան պատճառաւ։ Կնկան մէկն ալ իր էրիկը ծով կնետէ ։

9 ֊ 16 Մարտ

Հողմը չդադարեցաւ ։

Տեղ ֊ տեղ կանձրեւէ ։

Գաւառի մը մէջ սովը կսաստկանայ։ Հանգանակութիւններ կբացուին սովելոց յօգուտ ։

Անբան կենդանիներու մէջ հիւանդութիւն երեւան կու գայ. բանաւոր կենդանիներու մէջ դրամի պակասութենէ ուրիշ բան չտեսնուիր ։

Վաճառականին մէկը տասը հազար ոսկի կը վաստակի սնանկութեամբ ։

16 ֊ 22 Մարտ

Ձմեռը կծերանայ ։

Բաղդատեցէք ձմեռ եւ ծեր բառերն. կը կարծուի թէ ձմեռ ը ծեր էն ելած ըլլայ, ծեր ն ալ ձմեռ էն։ Բանասէրներուն կարծիքը կը հարցուի ։

Այսու ամենայնիւ չըլլայ որ հագուստնիդ թեթեւցնէք. հագուստի մասին որեւէ փոփոխութիւն եւ վնասակար է այս միջոցիս. հագուստը սկզբունքի չնմանիր ։

22 ֊ 31 Մարտ

Հողմային պարզութիւն ։

Սրտի պարզութիւնը կը փնտռուի։ Մսին գինը կբարձրանայ ։

Երկաթուղւոյ մ ' ընկերութիւնը կորոշէ առագաստ բանալ իւր կառքերու վրայ, որպէս զի քիչ մ ' աւելի արագ ընթանան ։

Այս ամսուան մէջ ծնող մանչերը ազգային նուիրատուութեանց չեն մասնակցիր եւ ազգին մէջ կռիւ հանելու տրամադրութիւն կ ' ունենան։ Իսկ աղջիկներն պճնասէր ու շռայլ կ ' ըլլան ։

Մայրե՛ր, խնայեցէ՛ք ազգին ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ԱՊՐԻԼ

1 ֊ 7 Ապրիլ

Ապրիլին առաջին օրը կատակի համար սուտ խօսելու սովորութիւնը կամաց կամաց բնութիւն դարձաւ ամենուս քով, այնպէս որ այսօր քիչ մարդ կգտնուի, որ սուտ խօսելու համար ապրիլ 1 ֊ ին սպասէ ։

Զգուշացէք խաբեբաներէն … շաղակրատ բժիշկներէն ։

Քանի մը պզտիկ հրդեհներ կպատահին ։

Կղզւոյ մը մէջ երկրաշարժի ցնցումներ կը զգացուին ։

Մսավաճառութենէ սնանկացած մէկը քահանայ կձեռնադրուի ։

8 ֊ 14 Ապրիլ

Ախորժելի օդ ։

Հետեւեալ հրաշքները տեղի կ ' ունենան.

Մարդ չսնանկանար.

Մարդուն մէկը հայերէն լրագրի մը բաժանորդ կգրուի եւ բաժանորդագինը կանխիկ կը վճարէ ։

Մէկն քօնսոլիտ էն <!><!> մեծ գումար մը կշահի.

Առանց թուռնիւր ի կնիկ մը կտեսնուի հրապարակի վրայ.

Բանասէր մը լեզուաքննական յօդուած մը կհրատարակէ առանց հայհոյութեան ։

Օդին գեղեցկութենէ խաբուելով հագուստնիդ մի պակասցնէք։ Ապրիլ շողոքորթ ամիս մ ' է ։

15 ֊ 21 Ապրիլ

Ամպամած եւ խոնաւ ։

Կաթերը բոլորովին ջուր կկտրին ։

1892 ֊ րդ տարեդարձ գինովութեան ։

Զատկի առթիւ գինիի տակառներուն մէջ խեղդուողներ կգտնուին ։

22 ֊ 30 Ապրիլ

Ախորժելի եղանակներ ։

Գինովութիւնը կշարունակուի ։

Էրիկ մը կնիկէն ծեծ կ ' ուտէ հաւկիթ գնած չըլլալուն համար ։

Եպիսկոպոսին մէկը ինքզինքը կերուխումի տուած՝ կմերժէ գաւառի մ ' առաջնորդութիւնն քաջառողջութեան պատճառաւ ։

Այս ամսոյս մէջ ծնող մանչերը խաբեբայ ու մեծ վաճառական կ ' ըլլան, աղջիկներն ալ տնտեսագէտ ու գեղեցիկ, միայն թէ քիթերնին քիչ մեծ կ ' ըլլայ ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՄԱՅԻՍ

1 ֊ 7 Մայիս

Յստակ օդ ։

Գիւղագնացութեան պատճառաւ ամեն տուն մէյմէկ քիչ կռիւ ։

Առուտուրները բացուեցան ։

Ոսկերչաց շուկայն լի է բազմութեամբ. արժան մատնիներ, օղեր, ապարանջաններ, մանեակներ կծախէ ժողովուրդն աճուրդով, եւ ոսկերիչները կգնեն ։

Հազարաւոր տուներ, գետիններ կը վաճառուին խիստ արժան գնով ։

Խմբագիրները տան միջնորդ կդառնան ։

Աստուած վերջերնիս բարի ընէ ։

8 ֊ 13 Մայիս

Օդը կշարունակէ յստակութիւնը ։

Մութի մէջ խնդիրներ կան, որոց ոչ ոք կրնայ վերահասու ըլլալ ։

Կանանց շրջազգեստները քիչ մ ' ալ կը կարճնան։ Քանի մը կանայք էրիկ մարդու հագուստ կհագնին ։

Հունձքերը լաւ երեւոյթ ունին, բայց հասկերուն մէջ բան չկայ. իմաստակ հասկեր ։

14 ֊ 20 Մայիս

Դեսպան մ ' ուրիշ դեսպանի մը տունը կը հրաւիրուի կերակուրի ։

Հիւպատոս մը նեղ եւ պզտիկ կօշիկ հագնելուն համար փողոցէ մը անցած ժամանակ կ ' իյնայ։ Լրագիրք ոմանք քաղաքականութիւն մը կտեսնեն այդ կօշիկին մէջ ։

21 ֊ 28 ֊ 31 Մայիս

Օդերուն խօսք չկայ, բաց ի շնորհակալութենէ ։

Տաքութիւնը հետզհետէ կ ' աւելանայ։ Շատ ամուսիններու մէջ պաղութիւն կտիրէ ։

Հողագործներն շատ ուրախ չեն։ Շատ փոխանակագիրներ կմերժուին։ Մատակարար մը կճանբուի։ Խոհարար մը սպասուհւոյ հետ սիրահարութիւն կ ' ընէ հարուստ տան մ ' մէջ ։

Զգուշացէք ամսոյս մէջ զաւակ բերելէ. մանչերը կա՛մ գրաշար կա՛մ բանաստեղծ կա՛մ դասատու կամ խմբագիր կ ' ըլլան. իսկ աղջիկները միշտ նշանտուքի խօսքեր կ ' ուզեն լսել ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՅՈՒՆԻՍ

1 ֊ 5 Յունիս

Ջերմութիւնը կ ' աւելնայ ։

Կնաթողութիւններ կլսուին ։

Մարդուն մէկը նարտ խաղացած ժամանակ կ ' իյնայ կմարի, չկրնալով հանդուրժել կելա յի հարուածներուն ։

Ընդհանուր ժողովոյ մէջ ջերմ վիճաբանութիւն մը տեղի կ ' ունենայ. երեսփոխանին մէկն իւր ընդդիմախօսին մէջքին կից մը կու տայ ։

6 ֊ 12 Յունիս

Տաք օդ ։

Օղեմոլները կը սկսին գարեջուր խմել ։

Լրագիրք գրելու նիւթ չեն կրնար գտնել ։

Երկու մեծ գողեր կձերբակալուին ։

Մատակարար մը իւր տան տիկնոջը աչք կտնկէ ։

Տղայոց շատ պտուղ մի տաք ։

Ամուսնացեալ մարդ մը աչք կտնկէ ուրիշի կնոջ վրայ ։

13 ֊ 19 Յունիս

Օդը յստակ ։

Տաքութիւնը կ ' աւելանայ. արիւնային մարդոց համար բարկանալու եղանակ չէ … թող որ Փրկիչն <!><!> ալ լեցուն է ։

Առեւտուրները կդադարին ։

Ամեն մարդ ծովու բաղանիք վարձելու յետեւէ է ։

Երկաթուղւոյ մը շինութիւնները մեծ փութով առաջ կտարուին ։

Մարդուն մէկը պարտքը կը վճարէ այն օրն՝ յորում տալ խոստացած էր։ Խե՜նթ մարդ …

20 ֊ 27 ֊ 30 Յունիս

Պիտի ճաթինք տաքէն ։

Անվնաս փորհարութիւն մը կայ շատ մարդոց մէջ ։

Ամերիկան նոր գիւտ մը կ ' ընէ։ Շոգենաւի մը ածուխը կէս ճամբան կհատնի եւ չկրնար ճամբան շարունակել ։

Ամսոյս մէջ ծնող մանչերը խելացի կ ' ըլլան, իսկ աղջիկները դաշնակահար ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՅՈՒԼԻՍ

1 ֊ 4 Յուլիս

Տաքութիւնը սաստիկ է ։

Վանքի մը մէջ քանի մը կրօնաւորներ պայմանագրութիւն կկնքեն՝ սիրով եւ միաբանութեամբ վանքը կողոպտելու համար ։

Թերթ մը կդադրեցնէ իւր հրատարակութիւնը ։

Ժողովոյ մը անդամներուն մէջ երկպառակութիւն ։

Տեսէ՛ք սա ցնդած պառաւը, հարս կ ' ըլլայ, երեսուն տարու երիտասարդի մը հետ կկարգուի ։

5 ֊ 11 Յուլիս

Տաքութիւնը միեւնոյն է ։

Արք եւ կանայք ծով կ ' երթան լուացուելու ։

Երկու օրուան մէջ անգղիերէն սորվեցնող քերականութիւն մը կհրատարակուի ։

Կանանց թիւռնիւռ ներուն վրայ մէյմէկ ծաղիկ կդրուի։

12 ֊ 19 Յուլիս

Պարզ եւ տօթ ։

Գինովներուն վիճակը ցաւալի է ։

Մեծ մարդ մը կպզտիկնայ եւ պզտիկ մարդ մը կմեծնայ ։

20 ֊ 31 Յուլիս

Աշխարհիս խաղաղութիւնը պահելու համար տէրութիւն մը կաշխատի։ Ցորենի գինը կ ' իյնայ. հացի նկանակներու մէջէն մէյմէկ կտոր ածուխ կելլէ ։

Ամսոյս մէջ ալ ծնիլն աղէկ բան մը չէ. մանչերն կնաթող կ ' ըլլան, աղջիկներն թշուառ. ալ խոհեցէք անգամ մը։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՕԳՈՍՏՈՍ

1 ֊ 9 Օգոստոս

Ջերմութիւնն քիչ մը նուազեցաւ ։

Բոլոր աշխարհ ինք ն զինքը կերուխումի տուած է ։

Առեւտուրները անզգալի կերպով կբացուին ։

Կխնդրեմ սա սեխերը ծով նետեցէք։ Կուրծքի տկարութիւն ունեցողները ծով չը մտնեն ։

10 ֊ 17 Օգոստոս

Զովութիւնը կսկսի, ինչպէս նաեւ հարբուխը ։

Ծովէն ելնելէ վերջը նայեցէք, որ գլուխնիդ չորնայ ։

Առաւօտները անօթի փորանց խաղող կերէք՝ որքան որ կներէ ձեր քսակը ։

Երաժիշտներուն ձայնը աշխարհ բռներ է ։

Խեղճ ձայնաւորներուն ձայնը չելներ։ Եկեղեցի գացող չկայ ։

Մեծ քանակութեամբ պուտրա կսպառի։

18 ֊ 25 Օգոստոս

Սնանկութիւններ ։

Թաղական մը պզտիկ գումար մը կ ' առնէ թաղին սնդուկէն եւ իւր աղջիկը կկարգէ ։

Պատրիարքարան մը քանի մը պաշտօնեաներ կճանբէ, խնայողութեան պատճառաւ ։

Կօշկակար մը քաղաքական յօդուած մը կհրատարակէ ։

Ամպամած, պիտի անձրեւէ ։

25 ֊ 31 Օգոստոս

Զովութիւն. գիշերները մի՛ նստիք ծովեզերքը։ Մժղուկներէն հանգիստ չկայ։ Յիսուն ը հինգ տարու կին մը հինգ հարիւր ոսկի կխոստանայ հետը կարգուողին ։

Այս ամսոյս մէջ ծնող մանչերն ալ աղջիկներն ալ բախտաւոր կ ' ըլլան. ազգը պէտք ունի անանկ մանչերու եւ աղջիկներու ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՍԵՊՏԵՄԲԵՐ

1 ֊ 8 Սեպտեմբեր

Մերթ անձրեւ, մերթ արեւ, ուստի

Մերթ արտասուք, մերթ ժպիտ ։

Մի՛ լայք, Աստուած ողորմած է ։

Առուտուրները դադրեցան. հարուստներն աղքատներու վիճակը չեն ուզեր իմանալ ։

9 ֊ 16 Սեպտեմբեր

Իրաց վիճակը կմնայ եւ միեւնոյնը. թէեւ տիւ եւ գիշեր կհաւասարին, բայց հասոյթը եւ ծախքը չեն հաւասարիր. ծախքը աւելի մեծ է։ Աւելի աղէկ էր, որ տիւը քիչ մը մեծ ըլլար եւ ծախքը պզտիկ։ Կնիկները այս լեզուէն չեն հասկնար եւ էրիկներուն գլուխը կ ' ուռեցնեն աշնան նորաձեւութեան պատրաստուելու համար ։

16 ֊ 23 Սեպտեմբեր

Հարաւային հողմը ուժով կփչէ։ Ծովու վրայ գտնուողներուն համբերութիւն մաղթենք. ցամաքի վրայ գտնուողներուն ալ վիճակը աղէկ չէ։ Ո՞ւր ապրելու է հապա. երջանիկ ապրելու համար տեղ մը չգտնուեցաւ վերջապէս ։

Ձուկը հարուստները կ ' ուտեն։ Միսը սուղ է։ Աղքատներն ի՞նչ ուտեն ։

23 ֊ 30 Սեպտեմբեր

Ամպավար հողմեր ։

Սանկ մէկդի կեցէք. քանի մը վաճառականներ կ ' երերան ու կ ' երերան։ Սա թղթաբեր շոգենաւուն նայեցէք. քաշուած բոլոր փոխանակագիրներն յետ բերեր է ։

Դրամական տագնապ ։

Հացագործ մը հարուստ կարծուած էֆէնտիի մը դուռն ափ առած՝ չլսուելիք խօսքեր կ ' ընէ. տան տէրը չլսելու կզարնէ իրեն ուղղուած հայհոյութիւնները ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՀՈԿՏԵՄԲԵՐ

1 ֊ 8 Հոկտեմբեր

Երբեմն պարզ, երբեմն խառն, երբեմն անձրեւ, երբեմն փոթորիկ ։

Հարսանեաց շաբաթ. կարգուող չկայ ։

Լրագիր մը մեծատուն մը կշողոքորթէ ։

Ընդհանուր հազ. անոնք որ գիւղ գնացած էին՝ կդառնան ձմեռնային բնակութիւնը. օդափոխութիւնը շատերուն մազերը ճերմկցուցած է. օդափոխութենէ սնանկացողներ ալ պակաս չեն ։

9 ֊ 16 Հոկտեմբեր

Խառնակ օդ ։

Երկրագործը շատ գոհ չերեւիր ։

Աշնան նորաձեւութիւնը շատ տուներու մէջ կռուոյ դռներ կբանայ։ Երեւելի մարդ մը կմեռնի։ Ածխավաճառները կլեցնեն իրենց մթերանոցները։ Աստուած խելք տայ իրենց ։

16 ֊ 23 Հոկտեմբեր

Խառնակ, խառնակ, վերջապէս խառնակ ։

Սրտի հիւանդութիւն ունեցողները կնեղուին. երանի անոնց, որ սիրտ չունին, ազատ են այդ հիւանդութենէ։ Լրագրին մէկը եր ե կուան պաշտածն այսօր կայրէ։ Ջերմուկներու վարժուած կրօնաւոր մը անարժանաբար աթոռի մը վրայ բարձրանալու կպատրաստուի, ազգին սանձերը բռնելու համար. Աստուած ողորմի։ Հարուստ աղջիկ մը հօրը տունէն կփախչի։

23 ֊ 31 Հոկտեմբեր

Հողմ եւ անձրեւ։ Թատրոններու եղանակ, բոլոր օթեակները պարապ են ։

Եօթն շաբաթուց վերջերն ենք, հարսնիք չլսուիր բնաւ. թրաքօման մեծ հարուած տուաւ այս տարի, թէ՛ գեղեցիկ աղջիկներուն եւ թէ տգեղներուն ։

Ամսոյս մէջ ծնող մանչերն փառաւոր ապագայ կխոստանան, աղջիկներն ալ փայլուն անցեալ մը. ըստ այնմ վարուեցէք ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ՆՈՅԵՄԲԵՐ

1 ֊ 7 Նոյեմբեր

Օդին խառնակութիւնը շարունակելի է ։

Հարուստ կարծուած մէկը գիրքերը վիճակահանութեան կդնէ ։

Ածխավաճառները կսխալին իրենց գուշակութեանը մէջ, օդը թէեւ խառնակ, այլ բարեխառնակ է ։

Ծովային ճանապարհորդութենէ հրաժարելու է։ Լրագրի մը մէջ շինծու նամակներ կհրատարակուին. հաւատալու չէ ։

Աղքատ մարդ մը գինով կ ' ըլլայ եւ փողոցը կպառկի՝ քթին տակէն մրմռալով. « ես բանաստեղծ եմ »։

8 ֊ 15 Նոյեմբեր

Այս խառնակութեան վերջը …

Աղքատ մը վիճակահանութենէն տասն երկու հազար ոսկի կշահի եւ բարեկամաց բարեւ տալը կդադրեցնէ ։

Նոր հանք մը կգտնուի, սուտերու հանք, խմբագրի մը կողմէն ։

Շուկայն մարդ չկայ. ակռայի ցաւերը կշատնան. կէս գլխու ցաւեր երեւան կու գան. գործերը ձախող վիճակի մէջ են. քաջութի՜ւն, քաջութիւն ։

Ամեն մարդ օղիի գաւաթին մէջ կփնտռէ մխիթարութիւն ։

16 ֊ 21 Նոյեմբեր

Պարզ եւ մերթ անձրեւ ։

Օրհնեալ է Աստուած ։

Ծառերը մերկացան։ Ձմեռն կսկսի զգալի ըլլալ. մինչեւ առտու վիսթ կխաղացուի ամեն տեղ. տեղ տեղ ալ պեզիք ։ Ամենքն աչքերնին չորս բացած՝ զիրար կողոպտել կջանան. անմեղ զբօսանք։

21 ֊ 30 Նոյեմբեր

Մերթ պեզիկ, մերթ պրիճ ։ Երիտասարդին մէկը պարահանդէսի մէջ աղջիկ մը կը գտնէ, կ ' առնէ, հետը կտանի կարգուելու ։

Ուրիշ սիրահար երիտասարդ մը մինչեւ լոյս պատուհանի մ ' առջեւ կսպասէ ու կդողայ. մէկէն ի մէկ հարստանալը դիւրին չէ, տղա՛ս ։

Այս ամսոյ մէջ ծնող մանչ կամ աղջիկ երկուքը մէկէն բարեպտուղ զաւակներ կ ' ըլլան՝ եթէ անոնց դաստիարակութեան հոգ տարուի ։

ՀԱՄԱՌՕՏԱԳՐՈՒԹԻՒՆՔ

Գլխուս վրայ Ես քուկին սպասաւորդ չեմ ։

Ո՞ւր տեսնուինք վաղը Կ ' ուզե՞ս հեռանալ եւ գլուխս չցաւցնել ։

Կբողոքեմ Ա՛հ եթէ կարողանայի չարիք մ ' ընել քեզ ։

Սուրճ մը կ'առնէ՞ք Գործ ունիմ, բաներնիդ գացէք ։

Չէք երեւար կոր Պարտքդ ե՞րբ պիտի վճարես, աղա ։

Կխոստանամ Բան մ ' ալ չեմ կրնար ընել ։

Կրնանք քիչ մը տեսնուիլ Կրնա՞ք ինձի չորս հարիւր ոսկի տալ ։

Ի՞նչ է մեր հաշիւը Այս օրերս չեմ կրնար քեզի ստակ տալ, քիչ մ ' ալ համբերէ ։

Աղան դուրս չելներ կոր Հիւր ընդունելու ժամանակ չունինք ։

ԴԵԿՏԵՄԲԵՐ

1 ֊ 6 Դեկտեմբեր

Քիչ մը հողմ, քիչ մը անձրեւ ։

Մեծ մարդու մը հովանաւորութեան ներքեւ պարահանդէս մը կտրուի։ Խմբագրին մէկը վարդապետ կձեռնադրուի, վարդապետ մ ' ալ կը պատժուի։ Փոխառութեան զրոյցք կը լսուին։ Գողեր կմտնեն տուները եւ մէկ մէկ քիչ բան վերցնելով կշատանան։ Ապրին ասանկ սակաւապէտ գողերը ։

7 ֊ 14 Դեկտեմբեր

Անձրեւ եւ ձիւն. տժգոհութեան պատճառ տալու չափ ցուրտ չկայ. լրագրի յարձակմանց մէջ քիչ մը պաղութիւն կայ ։

Հարուստի մը զաւակը երգիչ օրիորդի մը հետ կփախչի։ Երթան բարեաւ ։

Լեզուաքննութիւնն քայլ մ ' ալ առաջ կ ' երթայ ։

14 ֊ 21 Դեկտեմբեր

Բժիշկ ըլլալու ամիս ։

Քիթ մը չկայ, գլուխ մը չկայ, ակռայ մը չկայ, ականջ մը չկայ որ չցաւի. ի՛նչ խայտառակութիւն է աս. յանցանքն իրենցն է. զգուշանան թող. մինչեւ լոյս պարելու հետեւութիւնն է ։

Բժիշկներն ալ թող վաստկին. ողջ ըլլան որ մեռցնեն մեզի ։