Ինքս ինձ հյուր

Սիրում եմ լինել ինքըս իմ հյուրը

Ու հյուրասիրվել համեղ... հուշերով,

Եվ կոչնակներ ունենալ նրանց,

Որոնց անունը ես չեմ մոռանա,

Ինչպես սեփական իմ իսկ անունը,

Բայց նաև նրանց, անունը որոնց

Ես - մի՛ զարմացեք - չեմ հիշում արդեն,

Եվ չի գտնըվի գեթ մի մարդ կյանքում,

Որ կարողանար ինձ հիշեցընել

Անունը նրանց,-

Եկան ու չանցան՝

Մի մազ տանելով,

Մի մաս պարգևած...

Лайк

Сохранить

Хочу почитать

Будьте первым, кто оставит комментарий по этому поводу

Ятук Музыка

Размышления