Երջանկության նոր չափանիշ

-Երջանիկները ի՞նչ չեն ունենում:

-Ժամ ու ժամանակ:

Չէ՜, սիրելի՛դ իմ.

Շատ է հնացել քո պատասխանը:

Երջանիկները մո՛ւժ չեն ունենում՝

Իրար հոգու մեջ բարդելո՜ւ համար:

Երջանիկները կո՛ւժ չեն ունենում՝

Անզգուշորեն ջարդելո՜ւ համար:

Ոչ մի կավճոտված հո՛ւշ չեն ունենում՝

Սրտի սպունգով ջնջելու համար:

Նրանք, կարճ ասած, ո՜ւժ չեն ունենում՝

Իրենց ու իրար... տանջելո՛ւ համար...

22.III.1964թ.
Դիլիջան

Лайк

Сохранить

Хочу почитать

Будьте первым, кто оставит комментарий по этому поводу

Ятук Музыка

Закат над Ялтой