Սարի հովի պես ամպերի փեշով

Սարի հովի պես ամպերի փեշով
Արծըվի թևին զարկեմ ու երթա˜մ.
Ջինջ աղբյուրի պես դալուկ անտառով
Չոր տերևները գրկեմ ու երթա˜մ…

Ա˜խ, կյանքըս թոշնեց ու ցընորքներըս
Գնացին աշնան հավքերի նման,
Դու ել ծաղրեցիր վառ արցունքներըս.-
Սիրուս երազը ողբամ ու երթա˜մ…

Վարդի ու գարնան անուշիկ երգեր
Կյանքի ափերից գըլգըլա˜ն, կուգա˜ն…
Է՛հ բավական է… Ես վաղ եմ հանգել,

‹‹Մնաք բարևս›› մրմնջա˜մ, երթա˜մ…

1902

Лайк

Сохранить

Хочу почитать

Будьте первым, кто оставит комментарий по этому поводу

Ятук Музыка

Gen V