Паруйр Севак
Ամենից առաջ ես հայր եմ
Երբ անլուսընկա ու պարզ երկնքում
Աստղաբներ են երևում նորից`
Բնակալներով իրենց հատ ու կենտ
Կամ թխսկան հայցող ձվակույտերով,
Երբ իր սև կաթով գիշերը բարի
Շեկ լուսաբացն է մայրաբար սնում,-
Կրկին խոսում է հայրությունն իմ մեջ:
Աշխարհի բոլո՜ր որբ մանուկներին
Որդեգըրելու այն միտքը կպչուն,
Որ սոսնձվել է իմ հիմար սրտին
Ու դարձել նրա թաղանթը երկրորդ,
Այդ միտքը նորի'ց-կրկի'ն-վերըստի'ն
Ճչում է իմ փակ երակների մեջ:
Ուզում եմ, որ ինձ «հայրիկ ջա՜ն» կանչեն
Աշխարհի բոլո՜ր-բոլո՜ր ծայրերից:
Ուզում եմ, որ գան,
Թղթերս խառնեն,
Քաշեն մազերըս,
Նստեն ծնկներիս,
Պաչպչվենք ամուր,
Եվ պարզ նկատեմ
Իմ իսկ սեփական նմանությունը
Բոլորի՜ դեմքին,
Շարժուձևի մեջ-
Շեկ լինեն թե թուխ,
Աղջիկ թե տղա...
Ես կասկած չունեմ,
Որ եթե հանկարծ գա մի հարցասեր
Եվ ինձ` քնածիս,
Ինչպես որ հարկն է դեռ չարթնացըրած`
Հարց տա.
_Ի՞նչ ես դու ամենից առաջ,-
Ես կասկած չունեմ,
Որ դեռ չզարթնած,
Դեռ քունը գլխիս.
-Ամենից առաջ ես հա՜յր եմ, - կասեմ....
19.XII.1959
Թիֆլիս
Лайк
Сохранить
Хочу почитать
Будьте первым, кто оставит комментарий по этому поводу
Ятук Музыка
Арно Бабаджанян
Mечты
Грустное возвращение (никто не ждет)
Играть онлайн
Поддержите нас! Покупайте наши товары, созданные на основе произведений искусства, в нашем онлайн-магазине.
Пазл
Вардананк
КУПИТЕ СЕЙЧАС
Закладка
Вардгес Суренянц
КУПИТЕ СЕЙЧАС
Закладка
Торос Рослин
КУПИТЕ СЕЙЧАС
Брошь
Саломея
КУПИТЕ СЕЙЧАС
Открытка
Иван Айвазовский
КУПИТЕ СЕЙЧАС
Игра
Морской бой в стиле Айвазовского
КУПИТЕ СЕЙЧАС
Магнит
Сен-Мало
КУПИТЕ СЕЙЧАС
Брошь
Гора Сипан с острова Ктуц
КУПИТЕ СЕЙЧАС
