Անվերնագիր 24

Ձմեռ է: Եվ ցուրտ է: Դրսում ենք:

Քեզ հետ եմ. ջերմում ու մրսում ենք:

Քեզ հետ եմ, և կարծես ինձ հետ է

Աշխարհի մեծագույն պոետը:

Մեծագույն պոետը աշխարհի,

Որ առանց խոսքերի ու բառի

Երգերն իր քո առաջ փռում է,

Երգում է, երբ անգամ լռում է:

Աշխարհի մեծագույն պոետը,

Բայց այնքան, որքան ես քեզ հետ եմ.

Որ պիտի չքանա, երբ որ դու

Բաժանվես ու նորից գնաս տուն...

Եվ մնա՛, և մնա՜ խեղճ տղան

Առանց քե՛զ,

առանց ե՛րգ

ու տաղա՛նդ...

08.III.1952թ.
Մոսկվա

Лайк

Сохранить

Хочу почитать

Будьте первым, кто оставит комментарий по этому поводу

Ятук Музыка

29 марта 1963 г., Нью-Йорк.