Սիփան Շիրազ

Ստվերները

Այս գիշերը մաղձ է թքում նախորդի պես
Գիշերվա մեջ օրորվում են ստվերները
Նավորդի պես նավարկում է այս գիշերը
Այս գիշերը, թվում է թե այդ ե՛ս եմ, ե՛ս;

ՈՒ վառվում ենք գիշերի մեջ - գիշերն ու ես,
Ու ցրվում են, օրորվում են ստվերները;
Քո աչքերը մահանում են նախորդի պես,
Նախորդի պես ես եմ կարծես այդ գիշերը:

Անուրջները մահանում են և գիշերը
Անձրևում է - մշուշի մեջ - լույս է կարծես,
Ես գնում եմ ու մնում են ստվերները -

Եվ մահամերձ
այդ գիշերը
այդ
ե՛ս
եմ
ե՛ս:

Հավանել

Պահպանել

Ուզում եմ կարդալ

Դարձիր առաջին մեկնաբանողը

Յատուկ Երաժշտություն

Ղազարոս Սարյան

Հայաստան սիմֆոնիկ պանել

Տղամարդու գլուխ

Խաղա առցանց