Պարույր Սևակ
Անվերնագիր 24
Ձմեռ է: Եվ ցուրտ է: Դրսում ենք:
Քեզ հետ եմ. ջերմում ու մրսում ենք:
Քեզ հետ եմ, և կարծես ինձ հետ է
Աշխարհի մեծագույն պոետը:
Մեծագույն պոետը աշխարհի,
Որ առանց խոսքերի ու բառի
Երգերն իր քո առաջ փռում է,
Երգում է, երբ անգամ լռում է:
Աշխարհի մեծագույն պոետը,
Բայց այնքան, որքան ես քեզ հետ եմ.
Որ պիտի չքանա, երբ որ դու
Բաժանվես ու նորից գնաս տուն...
Եվ մնա՛, և մնա՜ խեղճ տղան
Առանց քե՛զ,
առանց ե՛րգ
ու տաղա՛նդ...
08.III.1952թ.
Մոսկվա
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Տիգրան Մանսուրյան
Մեր մանկության տանգոն
Մարտի 29 1963, Նյու Յորք
Խաղա առցանց
