Ավետիք Իսահակյան
Ծառերի վրա աշունը դալուկ
Ծառերի վրա աշունը դալուկ
Հըծծում է մեղմիկ մի դեղին նըվագ`
Թախծոտ ու անո˜ւշ …
Լեռների վրա ձյունել բարակ,
Ուր, կարծես, իրենց փետուրը քնքուշ,
Նետել են գաղթող հավքերը ճերմակ …
Ի՞նչ ես սպասում, սի՛րտ իմ ծարավի,
Սերերիդ անցած չըկա˜ վերադարձ.
Նստի՛ր մեկուսի բաժակիդ առաջ,
Հուշե՛րըդ գգվիր և լա՛ց մեկուսի …
1922
Հռոմ
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Գեորգի Գյուրջիև
Սուրբ Հաստատում, Սուրբ Հերքում, Սուրբ Հաշտություն
Արեւածաղիկներ, 1957
Խաղա առցանց
