Հայ ճարտարապետությունը

Մեծ ճարտարապետ Թ.Թորամանյանի
Հիշատակին

Հայրենի դաշտում քայլում եմ մենակ.
Աշուն է արդեն, և ձյունը նորեկ
Ծածկել է լանջքը սեգ Արարատի.
Հողմը սաստկաշունչ` հսկա մի բարդի
Կորաթեքել է աղեղի նման Հայկ նահապետի:

Սակայն իմ առաջ` կանգնել են ահա`
Պատմության ահեղ հողմերին ընկճած,
Սյուներն հոյակապ հին ավերակի:

Դո’ւք դարերի մեջ` դժվար ու դաժան,
Երբ ամենայն ինչ ընկած էր տապաստ,
Դո’ւք, ով երկնախոհ գմբեթներ ու վեմ
Մնացիք ըմբոստ, մնացիք անսաստ

Բռնակալների չարության ընդդեմ: