Ինքս ինձ հյուր

Սիրում եմ լինել ինքըս իմ հյուրը

Ու հյուրասիրվել համեղ... հուշերով,

Եվ կոչնակներ ունենալ նրանց,

Որոնց անունը ես չեմ մոռանա,

Ինչպես սեփական իմ իսկ անունը,

Բայց նաև նրանց, անունը որոնց

Ես - մի՛ զարմացեք - չեմ հիշում արդեն,

Եվ չի գտնըվի գեթ մի մարդ կյանքում,

Որ կարողանար ինձ հիշեցընել

Անունը նրանց,-

Եկան ու չանցան՝

Մի մազ տանելով,

Մի մաս պարգևած...

Save

Want to read

Be the first who will comment on this

Yatuk Music

Thinking