Paruyr Sevak
Հորդոր
Դիմավորեցեք... կասկա՜ծը: Նա է
Թակում ձեր դուռը:
Նա է, հենց ի՛նքը:
Դիմավորեցեք և մի՛ վախեցեք.
Ես նրան արդեն ընդունել վաղո՜ւց
Եվ մինչև անգամ ճամփել եմ կրկին:
Դիմավորեցեք նրան ծիսաբա՜ր՝
Նոր ու հնօրյա Տերընդառաջո՛վ՝
Ձեր իսկ կրծքի տակ վառելով խարույկ.
Որպեսզի... եթե ընդմիշտ չչքվի,
Ապա գեթ ճեղքվի մութը ձեր հոգու:
Դիմավորեցեք նրան գեթ հիմա՛,-
Ես նրան վաղո՜ւց ճամփել եմ արդեն:
Դիմավորեցեք... կասկա՜ծը: Ես իր
Ո՛չ մունետիկն եմ, ո՛չ էլ մարգարեն:
Իր երախտապարտ փրկյա՜լն եմ ես լոկ:
Դիմավորեցե՛ք, քանզի ամենքիս
Լոկ հավա՜տք է պետք, ո՛չ հավատալիք:
Լոկ հավա՜տք է պետք, ո՛չ հավատալիք...
11.II.1963թ. 28.VIII.1965թ.
Երևան Չանախչի
Like
Save
Want to read
Be the first who will comment on this
Yatuk Music
George Gurdjieff
Holy Affirming, Holy Denying, Holy Reconciling
On the Seashore
Play Online
