Yeghishe Charents
Հնչում են խոսքերը...
Հնչում են խոսքերը, բառերը,
Հանգերը, վանկերը բոլոր,
Երբ քաղցր կարոտդ վառել է
Սրտիս մեջ նոր սեր ու օրոր։
Սրտիս մեջ վառվել է, վառվում է
Կարոտդ անուշ ու հրկեզ
Իսկ դուրսը հողմի պես տարվում են
Օրերը շեշտով այս երգիս։
Օրերը փրփուր են, ալիք են,
Ծփում են փրփուր առ փրփուր,
Հողմի պես թռչում է գալիքը
Հուզվում են օրերը պուրպուր։
Հուզվում ու ծփում են օրերը,
Ինչպես իմ երգերը բոլոր,
Երբ քաղցր կարոտդ վառել է
Սրտիս մեջ նոր սեր ու օրոր։
Like
Save
Want to read
Be the first who will comment on this
Yatuk Music
George Gurdjieff
The Resurrection Of Christ
![On the Seashore](https://cms.yatuk.am/media/game/game/game/on-the-seashore_BFRhDCC.jpg)
On the Seashore
Play Online