Paruyr Sevak
Խանդում եմ
Ես խանդո՞ւմ եմ:
Անկեղծ ասած, թե ամոթ չէ,
Ինձ շատ ծանոթ և շատ մոտ չէ
Այդ ահավոր խանդ կոչվածը.
Իմ մեջ, գուցե, բնությունից
Ինչ-որ մի բան անտեսված է,
Ուրիշ մի բան՝ տնտեսված է:
Ընդամենը գիտեմ լոկ այն,
Որ ես այնտեղ, որտեղ մարդիկ
Հավանաբար և խանդում են,
Բարկանում եմ - ոչ տևական,
Քմծիծաղում - անբավական,
Կամ ծիծաղում - անբնական,
Եվ... եղածը ես քանդում եմ:
Մեր խորտակված սերը վկա...
19.XI.1957թ.
Մոսկվա
Like
Save
Want to read
Be the first who will comment on this
Yatuk Music
Tigran Mansuryan
Tango of Our Childhood
Sacrifice of Abraham
Play Online
