Վտարված եմ ես

Վտարված եմ ես
Հայրենի երկրից.
Մի անհայտ ուղի
Լուռ տանում է ինձ:

Ու՞ր եմ գնում ես,
Ու՞ր պիտի հանգչիմ,
Ու՞ր պիտի լինի
Կայանըս վերջին:

Ձյունն եկավ, ծածկեց
Ուղի ու կածան.
Որոնց սիրել եմ,
Ինձ օտար դարձան:

Ա˜խ, չար բախտիս դեմ
Իմ խավար հեռվում
Մի աղոտ ճըրագ
Արդյոք չի՞ վառվում:

Վայում է քամին,
Խիստ բուք է հիմի.
Թող իմ թշնամին
Անտուն չըլինի…

1910
Հասան-Ղալա

Save

Want to read

Be the first who will comment on this

Yatuk Music

Landscape