Կիկոյին երգը

Կիկոյին երգը ճռինչ հողմավար
Ջաղացքի հէքեաթ մեքենային դէմ

Կիկոյին երգը բզզիւն միալար
Մժեղի զարմանք հրթիռներուն դէմ

Կիկոյին երգը մրմունջ սիրավառ
Աշուղի խռովք շուայտութեան դէմ
Սոյլ համբերատար
Երբ վաղն է խաւար
Փսփսուք գաղտնի որ չի հասուննար
Կʼայրի ինքն իր դէմ

Կիկոյին երգը մռնչիւն արդար
Բողոք մը վերջին սահող կեանքին դէմ

Կիկոյին երգը լռութիւն մարմար