Եղիշե Չարենց
Կապույտ կարոտը ոչինչ, մեզ ոչինչ չտվեց
Կապույտ կարոտը ոչինչ, մեզ ոչինչ չտվեց:
Մութ է խորհուրդը կյանքի, ու անհուն, ու մեծ:
Մութ է խորհուրդը կյանքի, բայց կյանքի մթում
Հազա՛ր հրդեհ կա հոգու ու հազար խնդում:
Ես հասկացա ու գիտեմ, որ աշխարհը մի
Ե՜րգ է հնչեղ, հրաշունչ հրաշունչ, քամի:
Ջե՛րմ քսվում է մեր հոգու շրթերին պապակ.
Որքա՛ն դռներ կան հոգում` հեռավոր ու փակ...
Երկինքնե՛ր կան մեր հոգում` անապակ ու ջինջ
Կապույտ կարոտը սակայն չտվե՛ց ոչինչ...
1919-1920
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Արամ Խաչատրյան
Ջութակի կոնցերտ ռե մինոր
![Մայրամուտ Յալթայի վրա](https://cms.yatuk.am/media/game/game/game/sunset-over-yalta_LVBA66O.jpg)
Մայրամուտ Յալթայի վրա
Խաղա առցանց