Շուշանիկ Կուրղինյան
Խաղաղությո՜ւն հյուղերիդ մութ․․․
Խաղաղությո՜ւն հյուղերիդ մութ
Ու գետնափոր․
Մկաններիդ՝ հանգիստ չառած․
Պարզ սրտերիդ,
Վայելքների<ն> միշտ անհաղորդ։
Խաղաղությո՜ւն երազներիդ
Ցավով վիժված․
Բաղձանքներիդ միշտ անկատար
Ու շնչահեղձ,
Կսկիծներից սահմանն անցած։
Խաղաղությո՜ւն թալանների,
Ոճիրների
Երկրիդ չքնաղ, գեղատեսիլ․
Խաղաղությո՜ւն
Մեծիդ, փոքրիդ հավե՜տ, հավե՜տ․․․
1921 թ.
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Սայաթ Նովա
Առանց քեզ ինչ կոնիմ
Տղամարդու գլուխ
Խաղա առցանց
