Լաց էլ կա, լաց էլ

Մեկը լալիս է նորածընի պես՝

Ճչում է, սակայն... արցունքներ չկան:

Մեկն էլ բերանից ծպտուն չի հանում,

Բայց արցունքներն են շիթ-շիթ լճանում:

Մեկն էլ, ինձ նման (գուցե նաև՝ քե՞զ),

Բարձր ճչալու սովոր չէ բնավ,

Եվ արցունքներն էլ աչքից չեն հորդում,

Այլ հոսում են ներս

Ու կիտվում դանդաղ

Չեչաքարի պես ծակծկված սրտում:

14.X.1959թ.
Չանախչի

Հավանել

Պահպանել

Ուզում եմ կարդալ

Դարձիր առաջին մեկնաբանողը

Յատուկ Երաժշտություն

Տխուր վերադարձ (ոչ ոք չի սպասում)