Պարույր Սևակ
Անվերնագիր 16
Ծառերն են բացվել, բողբոջել նորից,
Մայիսն է կրկին իջել ձեր այգում.
Բուրմունք է ելնում տամուկ հողերից,
Ծանոթ խայտանքով սիրտս վարակում:
Գանգուր բաղեղն է աճել վերստին,
Փարվել չափարին ծաղկած ձեր այգու,
Կարոտդ է այդպես փարվել իմ սրտին,
Գաղտնիքդ սակայն... լեզուս է փակում:
Գարո՜ւն: Աշխարհում նորից հիմա նա
Ինչ ունի՝ փռե՜լ, բացել է ինքը:
Ինչ լա՜վ է գարնան գաղտնիքն իմանալ,
Երբ թաքուն է մեր... սիրո գաղտնիքը:
22.V.1946թ. 21.VII.1953թ.
Երևան Նավչալու
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Տիգրան Մանսուրյան
Հին Օրերի Երգը
Տանձ, դեղձ և կուժ
Խաղա առցանց
