Ավետիք Իսահակյան
Մատաղ սիրտըս խաս – բաղի պես
Մատաղ սիրտըս խաս – բաղի պես
Ծառով, ծաղկով կանանչ էր.
Սերս էլ նազան բլբուլի պես
Սրտումս անուշ կըկանչեր:
Ինձի ասիր, աղջի՛կ սիրուն,
- Քու բլբուլին զարմացք եմ.
Ուշքս է տարվեր վարդիդ սիրուն,
Մի հատիկ վարդ թո՛ղ քաղեմ …
Սիրտըս թնդաց, ջահել էի,
Անուշ լեզվեն շո˜ւտ խաբվա.
Ասի` բաղըս մատաղ քեզի, -
Սև աչերեն շա˜տ խաբվա …
Ու անգութը բաղըս մըտավ,
Ա˜խ, տըրորեց ծաղկունքըս,
Խեղճ բլբուլիս բըռնեց, տարա՛վ,
Կոտրեց նո՛ւռըս, չինարըս …
1898
Օդեսա
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Էլեն Յոլչյան
Նոր ծաղիկ
Հին Երևան, էտյուդ. 1942
Խաղա առցանց
