Ավետիք Իսահակյան
Հայրենիքից հեռու, մի օր
Հայրենիքից հեռու, մի օր,
Եթե մահը զարկե ինձ,
Միևնույն է` թաղվիմ ուր որ, -
Մեր մոր գրկումն եմ նորից:
Սակայն, քաղցր է ննջել դաշտում.
Խնձորենու շուքի տակ,
Որ գարունքին շիրմիս ծուփ գան
Ծաղիկները սպիտակ:
Եվ ամառը` աղջիները
Վրաս կանգնեն երգելով.
Քաղեն, լցնեն գոգն ու ծոցը
Կարմի՛ր, կարմի՛ր խնձորով:
Եվ աշունքին` սիրուս նման
Մեռած, լացած մի երազ`
Տերևները դալուկ, դեղին,
Իջնին, մեռնին իմ վերաս:
Երբ ձմեռ գա` լռիկ ու հեզ`
Բյուրեղները ճյուղերեն
Շիրմիս կաթեն արցունքի պես
Մենության մեջ ձյունեղեն:
1919
Ժընև
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Տիգրան Համասյան
Մարկոս և Մարկոս
![Վիշտ, 1961 թ](https://cms.yatuk.am/media/game/sorrow-1961_mVwJ1Bc.jpg)
Վիշտ, 1961 թ
Խաղա առցանց