Ավետիք Իսահակյան
Եվ սերըդ սիրտըս կարևեր խոցեց
Եվ սերըդ սիրտըս կարևեր խոցեց,
Վերքիս այս, քո՛ւյր իմ, դեղ – դարման չըկա.
Սիրուս արցունքով աշխարհ թաթախվեց,
Բայց դո՛ւ մնացիր օտա՛ր, անըզգա …
Եվ ո՛ւր լինում եմ, քո սերն եմ երգում,
Սիրտըս դեպի քեզ թռչում է հավերժ.
Ուրիշին գըրկած` ես քեզ եմ զգում,
Ուրիշի գրկում, - բայց քոնն եմ հավե՛րժ …
Եվ դու հավիտյան անհաս աստղի պես
Ինձնից հեռո˜ւ ես, ինձնից հեռո˜ւ ես …
1903
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Տիգրան Համասյան
Մարկոս և Մարկոս
Երկրպագություն: Անարգվածը, 1899
Խաղա առցանց
