Արմինե Մուրադյան
Ես վաղը կգամ այնտեղ
Ես վաղը կգամ այնտեղ,
Ուր վաղուց դու էլ չկաս,
Ու կբերեմ քեզ
խոսքերը իմ թաց՝
Հետադարձի ուղիդ ցողելու համար։
Ա՜խ, եթե վաղը մի երեկ դառնար,
Գուցե լինեիր,
Մնայիր գուցե...
Ու նվիրեիր ջրաշուշաններ՝
Իմ սև աչքերի գետերին վարար։
Հետո նստեիր արցունքիս ափին
Ու շշնջայիր այդպես էլ չասված
Խոսքեր հարազատ…
Մի բուռ վերցնեիր լացիցս ճերմակ՝
Ցողելով տխուր-տխուր աչքերիդ...
Անմա՛հ աչքերիդ,
Որտեղ այդպես էլ չկարողացա
Ապրել հավիտյա՜ն...
Ես...... վա՛ղը կգամ....
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Էդուարդ Բաղդասարյան
Ռապսոդիա
![Ռոմանտիկները](https://cms.yatuk.am/media/game/the-romantics-y5.jpg)
Ռոմանտիկները
Խաղա առցանց