Վահան Տերյան
Դու չքացել ես
Դու չքացել ես,
Դու էլ չըկաս,
Սերը ցնորք է,
Բախտը երազ։
Քեզ չըգտա ես
Կյանքում խավար,
Իմ սիրո լույսն էր
Պատկերըդ վառ։
Քաղցր պատրանք էր,
Խաբող ժըպիտ,
Կարոտիս երգն էր
Պայծառ հոգիդ։
Սրտիս երազն էր
Թովիչ լեզուդ.
Կյանքը հեքիա՛թ է,
Աշխարհը սո՛ւտ...
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Արամ Խաչատրյան
Ջութակի կոնցերտ ռե մինոր

Սեր. Հեքիաթ
Խաղա առցանց