Շուշանիկ Կուրղինյան
Գարնան հովիկ
Գարո՜ւն է․․․ գարո՜ւն․․․ տափերի ընկեր
Հովիկը մարմանդ, հովիկը՝ հանդարտ
Ճամբա է ընկեր։
Կա՛ց․․․ մի մոտենար․․․ ետ դարձիր գնա․․․
Կամ անցիր գնա․․․
Գարո՜ւն է․․․ բողբոջ․․․ ծիլն 1 ծաղկում․․․
Ես ծիլեր ունեմ ցավագար սրտիս՝
Մութ ու ցուրտ ծալքում․․․
Գարո՜ւն է․․․ հրդեհ․․․ երկինքն է վառվում,
Ամպը՝ վառվռում․․․
Իմ հոգու խորքում թրջված ու ծեծված
Պեծեր են ծխում․․․ թող․․․ սուս փսփսան
Ու մարեն հանկարծ․․․
Ինձ մի մոտենար․․․ ետ դարձիր գնա,
Կամ անցիր գնա․․․
'1907 թ. 27 մայիսի
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Տիգրան Մանսուրյան
Մեր մանկության տանգոն
Արարատյան դաշտ
Խաղա առցանց
