Իմ կտակը 6

Դու ինձ խեղճերից պաշտպանի՜ր, տղա՛ս,

Պաշտպանիր դու ինձ՝

Ինձ չկրկնելով

Եվ չքայլելով իմ հետքով ծանոթ,

Ինձ - եթե կուզես - ժխտելո՜վ անգամ:

Ինձ չկրկնելով - և միայն այդպե՛ս,

Կխոսես դու իմ հարազատ ձայնով:

Սեփական շավիղ բացելով միայն

Բանուկ կպահես իմ բացած ուղին:

Եվ ինձ ժխտելով՝

Ինձ կհաստատես:

20.XII.1959թ.
Թիֆլիս

Հավանել

Պահպանել

Ուզում եմ կարդալ

Դարձիր առաջին մեկնաբանողը

Յատուկ Երաժշտություն

Սեր. Հեքիաթ