Պարույր Սևակ
Բանաստեղծի կյանքը
Արարատի պես -
Ոտքերը՝ հովտի ջերմությամբ վառած,
Կատարը՝ սառած:
Տիեզերական հրթիռի նման -
Բոցը՝ դեպի ետ,
Գլուխը՝ առաջ:
Շրթերի վրա՝ համրաձայն բառեր,
Իսկ սրտում՝ դղիրդ,
Իսկ հոգում՝ շառաչ...
. . . . . . . . . . . . . . . . . . .
Թո՛ղ նրա կյանքը մինչև իսկ լինի
Մի շուտասելուկ և կամ հանելուկ,
Միայն թե դառնան խոսքերն էլ... առած...
16.III.1959թ.
Մոսկվա
Հավանել
Պահպանել
Ուզում եմ կարդալ
Դարձիր առաջին մեկնաբանողը
Յատուկ Երաժշտություն
Տիգրան Համասյան
Մարկոս և Մարկոս
Արմինե Կալենց, 2004
Խաղա առցանց
