Zahrat
Թուաւոր քերթուած
Թիւ մը թիւի քով թիւ թիւերու մէջ
Ու թիւերու մէջ կորսուած թիւ մը
Չըլլալու տենչն է
Տարբեր ըլլալու պահանջն է ձերը
Նմաններու մէջ տարբեր ըլլալու
Տարբեր ըլլալու պահանջն է ձերը
Ամբողջութեան մէջ ամբողջին նման
Չկորսուիլն է
Ձեր ամբողջ դատը
Ամբողջութեան մէջ չկորսուիլը
Տարբեր իսկ ըլլաք բոլորէն տարբեր
Բոլորէն նոյնքան տարբեր ըլլալու
Ի վերջոյ դարձեալ դարձեալ իրարու
Նման ըլլալու
Սարսափին է ձերը
Դարձեալ անանուն թիւ մը մնալու
Ու գիտնալու թէ լոկ զէրօ մըն է
Ի վերջոյ ամէն թիւի վախճանը
Like
Save
Want to read
Be the first who will comment on this
Yatuk Music
George Gurdjieff
Holy Affirming, Holy Denying, Holy Reconciling
My daughters
Play Online