Vahan Teryan
Թախիծ
Ամայի փողոցում մեգ-մշուշ,
Լռություն է մեռած.
Կարոտ է իմ սիրտը քո անուշ
Գգվանքին, իմ երա՛զ…
Հեռավոր կողմերից, հեռավոր,
Հայտնվի՛ր լուսավառ,
Անհուն է գիշերըս ահավոր,
Եվ դժնի, և խավա՛ր։
Իմ սերը անարատ է ու խոր,
Իմ հոգին՝ հնազանդ,
Ամոքիր իմ սիրտը մենավոր,
Իմ թախիծը հիվանդ։
Մահից չեմ վախենում, գալիքին
Նայում եմ հավատով,
Կարոտ է սիրտըս քո հմայքին
Մաքուր ու հոգեթով։
Աղոթքըս պարզ է և նրբահյուս,
Մեռնողի վերջին կա՛նչ,
Հայտնվիր որպես լույս-արշալույս,
Իմ հոգուն մահատանջ…
Ամայի փողոցում մեգ-մշուշ,
Լռություն է մեռած..
Հայտնվիր հմայքով քո անուշ,
Իմ երա՛զ, իմ երա՛զ…
Like
Save
Want to read
Be the first who will comment on this
Yatuk Music
George Gurdjieff
Song of the Aisors

The figure of a woman. Sorrow
Play Online