Vahan Teryan

Ինքնօրօրում

Գիշեր է իջել. լռել են բոլոր
Աղմուկները չար, խոսքերը պատիր
Ջրերը մեղմիվ երգում են օրոր,
Սիրտ իմ, հանդարտի՛ր...

Հանգչում է վաղուց անտուն ու մոլոր
Թափառականը մեն ու տարագիր,
Աստղերը խմբով երգում են օրոր,
Սիրտ իմ, հանդարտի՛ր...

Լա՛ց վերջին լացըդ, սի՛րտ իմ մենավոր,
Վերջին արցունքըդ հեկեկա՛, թափի՛ր,
Երազ, երգ ու սեր, օրո՜ր ու օրո՜ր,
Սիրտ իմ, հանդարտի՛ր...

(1911)
Be the first who will comment on this
Yatuk Music
Almast - Persian March
Alexander Spendiaryan

Almast - Persian March

Sunset over Yalta
Sunset over Yalta
Play Online