Վերնագիրը վերջում 11

Նա թարգմանիչն է ձեր այն (ինչերի՞),

Որ չեն հասցըրել անգամ մի՛տք դառնալ,

Այլ ընդամենը շարժում են հոգու,

Խաղ են մկանի

Կամ արյունի եռք...

Նույն ինքը նա է,

Որ լաց է լինում

Խաղալիք ուզող ձեր երեխայի

Անմեղ աչքերով,

Եվ ժպիտ դառնում

Ձեր նորածինի երեսի վրա...

Թեպետ չգիտի ճամփան էլ ձեր տան

Եվ ո՛չ մի անգամ չի եղել այնտեղ,

Բայց ձեզ այնքան է բարեկամ ներքուստ,

Որ նրա վրա նույնիսկ չի հաչի

Ձեր զգոն շունը...

Նա ձեր փոխարեն

Ձեր երազներն է տեսնում քնի մեջ...

-Այդ... ե՜ս եմ որ կամ:

31.XII.1959թ.
Թիֆլիս

Save

Want to read

Be the first who will comment on this

Yatuk Music

March 18 1963 NYC