Avetik Isahakyan
Սև - մութ ամպեր ճակտիդ դիզվան
Սև - մութ ամպեր ճակտիդ դիզվան,
Դուման հագար, Ալագյա՛զ,
Սրտումս արև էլ չի ծաղկում,
Սիրտս է՛լ դուման, Ալագյա՛զ:
Զառ փեծերըդ անցա, տեսա,
Առանց դարդի սիրտ չըկար,
Ա՛խ, իմանաս, ջա՛ն Ալագյազ,
Իմ դարդիս պես դարդ չկար…
-Է˜յ Մանթաշի նըխշուն հավքե՛ր,
Իմ դարդըս որ` ձերն եղներ,
Ձեր էդ զառ – վառ, խաս – փետուրներ
Կսևնային, քանց գիշեր:
- Է˜յ Մանթաշի մարմանդ հովե˜ր,
Իմ դարդըս որ` ձերն եղներ,
Ձեր ծաղկանուշ բուրմունքն անուշ
Թույն ու տոթի կփոխվեր:
-Հե˜յ վա˜խ… կոտրան իմ թևերս,
Ընկա գիրկըդ, Ալագյա՛զ.
Ա˜խ, մեծ սըրտիդ սեղմեմ սիրտս,
Լամ, արուն լամ, Ալագյա՛զ…
1898
Օդեսա
Like
Save
Want to read
Be the first who will comment on this
Yatuk Music
Aram Khachatryan
Violin concerto in D Minor
![Sea view](https://cms.yatuk.am/media/game/game/game/sea-view_gHmuEWR.jpg)
Sea view
Play Online