Հայրենիքիս

Ակութներից հին հայրենի
Ծուխն է ելնում բարի,
Ուղիներով ազատության
Թռչում ես դու արի:

Սալասմբակ թռչում ես դու
Նոր օրերի աստղին,
Հավատարիմ քեզ ուժ տվող
Հին օրերի հողին:

Խոչ ու խութերն թշնամական
Թռիչքդ չեն կասում,
Աշխարհաջահ ճշմարտության
Նոր խոսքեր ես ասում:

Դո՛ւ, հին երկիր, նոր ու պայծառ,
Ի՛մ Ժողովուրդ, ի՛մ հաց,
Արևաթև անմահ թռչուն`
Հուր ու սրից ծնած …

1926
Վենետիկ

Save

Want to read

Be the first who will comment on this

Yatuk Music

Vardanank