Երազիս տեսա` օրո˜ր ու շորո˜ր

Երազիս տեսա` օրո˜ր ու շորո˜ր
Քարվանն էր անցնում զնգալով անո˜ւշ:
Սարերի փեշով ոլո˜ր ու մոլո˜ր
Քարվանն էր անցնում զնգալով անո˜ւշ:

Նազելիս տեսա ուրախ, շողշողուն,
Հարսի քողով, ոսկի շորերով.
Ու ոտներն ընկա կարոտով վառման,
Ա˜խ, քարվանն անցավ սրտիս վրայով:

Ճամփու փոշու մեջ անտերունչ, անտեր,
Ընկած էի ես ջարդված ու անհույս.
Ու հեռուներից լսում էի դեռ
Անցնող քարվանի ղողանջը անո˜ւշ …

1908

Save

Want to read

Be the first who will comment on this

Yatuk Music

St. Hripsime Monastery