Էն ամպի նըման խուլ որոտումով

Էն ամպի նըման խուլ որոտումով –
Սիրտըս դարդով լի` կըռիվ գընացի.
Էն ամպւ նման ժեռուտ սարերով,
Քուրի՛կ ջան, քեզնից հեռու գընացի …

Էլ մի՛ որոնիր քո ազիզ յարին
Կըռվից ետ դարձող կըտրիճների մեջ
Մենակ փընտրիր դո՛ւ իմ քաջ սևուկին
Անտեր խըրխընջող` լուռ դաշտերի մեջ …

Էլ մի՛ որոնիր քո ազիզ յարին
Իմ ընկերների ուրախ խընջույքում.
Բանձրիկ սարերից ոռնացող քամին
Վրաս մի բուռ հող կըգցե դաշտում …

Ու օտար մայրեր ինձի տես կուգան,
Սև հողիս վրա արցունք կըթափեն.
Ա˜խ, օտար քուրեր ինձի տես կուգան
Ու վրաս անո՞ւշ ծաղկունք կըթափեն …

1903
Ղազարապատ

Save

Want to read

Be the first who will comment on this

Yatuk Music

Landscape