Avetik Isahakyan
Ամեն գարունքին
Ամեն գարունքին`
Արագիլն ուրախ կիջներ մեր ծառին.
Մանուկ ականջիս բարձըր կըկանչեր, -
‹‹Դուրս արի խաղանք, ծաղիկ եմ բերել››:
Ամեն գարունքին`
Արագիլն ուրախ կիջներ մեր ծառին.
Պատանի սրտիս բարձըր կըկանչեր, -
‹‹Դուրս արի` թռչինք, երազ եմ բերել››:
Ամեն գարունքին`
Արագիլն ուրախ կիջներ մեր ծառին.
Ու նորեն կերթա, ու նորեն կուգա,
Բայց, ա˜խ, ինձ համար էլ երազ չկա…
1911
Like
Save
Want to read
Be the first who will comment on this
Yatuk Music
Sayat Nova
What will I do without you
Lavande, 2023
Play Online
