Alexander Tsaturyan
Ալիշանի մահը
Բա՛ց քո գիրկը լո՜ւյս օթևանդ սրբազան,
Հայր գըթառատ ողորմած
Քե՛զ է գալիս հայ աշխարհի մեծ գուսան.
Ազգի սիրով պըսակված։
Ջերմ սիրահար հեգ հայրենի աշխարհի,
Բեղուն մըշակ գիտության
Սերմնացան էր նա անձանձիր, քաջարի,
Գըլխին ալիք ծերության։
Ավարայրի խոսնակ բլբուլ տըխրաշունչ,
Հայ գարունքին կարոտած.
Նա երգում էր հայի մորմոք ու մըրմունջ,
Հայի փառքը կորուսած…
Նա երգում էր, նա պատմում էր աշխարհին
Հարաչարչար հայ կյանքի
Տըխուր վեպը - հայ վիճակը նոր ու հին,
Հայի խաչը տանջանքի…
Բա՛ց քո գիրկը, հա՛յր գըթառատ, ողորմած
Հյո՜ւր է գալիս քեզ հավետ
Հայի սըրտում լույս-անունով սըրբացած
Ազգի գուսան-Նահապետ։
Like
Save
Want to read
Be the first who will comment on this
Yatuk Music
Aram Khachatryan
Sobre Dance
![Horses - People](https://cms.yatuk.am/media/game/game/game/horses-people_VQhAaNY.jpg)
Horses - People
Play Online